Кечкенә балаларын чүплектән ашаткан?

Шушы көннәрдә социаль челтәрләрдә дүрт баласын иярткән ананың чүп бакларыннан ризык җыеп йөргән видеоязмасы барлыкка килде. Бу җанөшеткеч хәлнең Якутскида булуы билгеле.

Бу язма белән шунда ук шәһәр хакимияте кызыксына. Мэр Сардана Авксентьева кушуы буенча оештырылган комиссия, шул исәптән балигъ булмаганнар эшләре буенча инспекторлар да, гаиләдә булып, андагы шартлар белән якыннан танышкан.

Мэрия матбугат хезмәте хәбәр итүенчә, әни кеше, балаларым этләр ашату өчен азык калдыкларын җыйган иде, дип белдергән.
Якутск хакимиятендә күпбалалы анага закон буенча тиешле пособиеләрне юллауда ярдәм күрсәтәчәкләрен ышандыралар, дип яза Кызыл таң.