Бердәм дәүләт имтиханына алып керергә яраган әйберләр исемлеге билгеле

Рособрнадзор 2026 елда Бердәм дәүләт имтиханы вакытында укучыга файдаланылырга мөмкин булган әйберләр исемлеген төзегән. Бу хакта имтихан үткәрү кагыйдәләре турындагы белешмәгә сылтама белән ТАСС хәбәр итә, дип яза «Татар-информ» МА.

БДИ тапшыручы укучы утырган өстәлдә караламалар, кара төстәге гель яки капилляр ручка, шәхесне раслаучы документ, дарулар, ашау һәм шешәләргә салынган эчәргә яраклы су булырга мөмкин.

Моннан тыш, физик мөмкинлекләре чикле затлар, инвалид балалар һәм инвалидлар БДИ тапшырганда махсус техник чаралар куллана ала.

Биология, география, физика һәм химия буенча имтиханнарга программалаштырылмый торган калькулятор, ә математика һәм физика буенча имтиханнарга белешмә мәгълүматсыз линейка алып килергә мөмкин.

Ә әдәбият буенча БДИда орфографик сүзлек алырга мөмкин. Сүзлекләрне имтихан үткәрү пункты бирергә тиеш.

Фото: Владимир Васильев/ «Татар-информ»