Балаларның ут белән шаяруы нәтиҗәсендә янгын чыгу очраклары, кызганычка каршы, сирәк хәл түгел. Мондый афәтләрнең сәбәпләрен тикшерү, анализлау нәниләрнең уттан сак файдалану күнекмәләре булмавын, ата-аналары тарафыннан күзәтү җитмәвен күрсәтә.
Шуңа күрә түбәндәге кагыйдәләрне үтәү зарур:
- балаларга ут белән сак булу кирәклеге турында сөйләгез,
- янгын куркынычсызлыгы кагыйдәләрен үтәү белән бәйле очракларда нәниләргә үрнәк булыгыз,
- шырпы, уткабызгыч, шәм, лупа (линза) кебек әйберләрне аларның күзе төшәрлек җирдә тотмагыз, куллары җитмәслек урында саклагыз,
- балаларга мич ягу, газ плитәсен кабызу, мөстәкыйль рәвештә көнкүреш электр приборларыннан файдалану кебек эшләрне кушмагыз,
- бала шырпы яки уткабызгыч тапкан очракта бу турыда сезгә әйтергә өйрәтегез,
- учак якмасыннар өчен балаларны күзәтегез,
- өйдән чыгып киткәндә аларның үзләрен генә калдырмагыз,
- тәмәке тарта торган ата-аналар кесәләрендә шырпы яки уткабызгыч калдырмасын,
- балаларның ялын кызыклы итеп оештырыгыз.
Нурфат ЯППАРОВ, Кукмара һәм Балтач районнары буенча районара янгын күзәтчелеге бүлегенең өлкән инспекторы
«Кукмор Татарстан» МАКС каналына язылыгыз
Нет комментариев