1 апрельдән Россиядә социаль пенсияләр индексацияләнәчәк

Россиядә 1 апрельдән социаль пенсияләр индексацияләнәчәк. Индексация күләме 6,8 процент тәшкил итәчәк, дип хәбәр итте Дәүләт Думасының Хезмәт, социаль сәясәт һәм ветераннар эшләре комитеты рәисе Ярослав Нилов РИА Новости агентлыгына биргән интервьюсында. Бу хакта «Татар-информ» МА яза.

«1 апрельдән социаль пенсияләр 6,8 процентка идексацияләнәчәк» — дип раслады парламентарий.

Ярослав Нилов ассызыклаганча, түләүләрнең бу төре иминият пенсиясен билгеләү өчен кирәкле стажы булмаган гражданнарга, мәсәлән, рәсми рәвештә эшләгән яки бөтенләй эшкә урнашмаучыларга каралган.

Депутат сүзләренчә, гамәлдәге кануннар яшь буенча социаль пенсия алырга мөмкинлек бирә, әмма аны билгеләү планкасы иминият түләвенә караганда биш елга югарырак.

«Иминият пенсиясенең гомуми параметрлары 60-65 булса, социаль пенсиянеке 65-70кә тигез», — дип билгеләп үтте комитет башлыгы.

Фото: «Татар-информ» МА