Уйлану (шигырь)

Сынау өчен килгән без дөньяга:

Булды югалтулар, табышлар.

Кыска гына гомер эчендә

Җибәрелгән күпме ялгышлар...

Гамәл өчен килгән без дөньяга,

Җанда - иман, кулда - Коръәнем.

Гөнаһлардан тәүбә кылу өчен

Исәнлек бир миңа, Ходаем.

Күктә кояш, җирдә ризык биргән

Шөкер итәм бүген Аллаһка.

Байлыгымны алсаң, ал, йә Раббым,

Иманымны гына тик алма.

Мин канәгать бүген язмышымнан:

Шөкер итәм: бастым намазга.

Күпме әрәм үткән безнең гомер,

Динсезлекне сылтап заманга...

Флюра ХАННАНОВА