Бер мизгел (шигырь)

Салкын караштан да күңел әрни,

Йөрәк бит ул тоя - бик сизгер.

Нигә безгә сөелеп яшәмәскә?

Сөю бит ул - татлы бер мизгел.

Авыр сүзләр телгәли бәгырьне,

Назлы сүзгә сусый бит күңел.

Нигә безгә яшьнәп яшәмәскә?

Яшәү бит ул - татлы бер мизгел.

Парлап яшәүләрнең кадерен белик

Син дә, мин дә мәңгелек түгел.

Нигә безгә дөрләп яшәмәскә?

Тормыш бит ул - кыска бер мизгел.

Елизавета ФЕДОРОВА, Үрәсбаш авылы