Татарстанда бер тәүлектә коронавирус белән зарарлануның 46 яңа очрагы ачыкланган

Татарстанда соңгы тәүлектә Covid-19ның 46 яңа очрагы расланган. Бу хакта «Татар-информ» мәгълүмат агентлыгына коронавирус буенча оператив штаб хәбәр итә.

Инфекция йоктырган 19 кеше хастаханәгә озатылган, калган 27 кеше өендә дәвалана. Бер очрак – читтән кертелгән, калганнары элемтә юлы белән йоктырылган.

Авыручыларның күбесе Казанда – 18 кеше. Яр Чаллы шәһәрендә - 11, Алабуга, Яшел Үзән, Чирмешән районнарында – 2шәр, Әлмәт, Биектау, Кайбыч, Лаеш, Түбән Кама, Норлат, Питрәч, Саба, Тәтеш, Тукай районнарында - берәр.

Татарстанда бүгенге көнгә кадәр барлыгы Covid-19ның 3914 очрагы расланган.

фото: «Татар-информ»

«Кукмор Татарстан» МАКС каналына язылыгыз