Сергей Димитриев кукмаралыларны 1 Май бәйрәме белән котлады

Кукмара муниципаль районы башлыгы Сергей Димитриев кукмаралыларны 1 Май бәйрәме белән котлады.

- Бу бәйрәм – хезмәт кешесенә карата олы хөрмәт билгесе. Бүген һәр тармакта барган уңай үзгәрешләргә районыбыз халкының һәркайсы үзеннән зур өлеш кертә, - диелә котлауда. - Сәнәгать предприятиеләрендә югары сыйфатлы продукция җитештерелә, эшмәкәрлек көннән-көн үсә, авыл хуҗалыгында язгы кыр эшләре башланып китте, социаль-чисталык икеайлыгы кысаларында әйләнә-тирәбез тәртипкә китерелә. Уртак тырышлык белән киләчәктә дә районыбыз чәчәк атар, һөнәрле, тырыш халкыбыз мул тормышта яшәр дип өметләнәм.