Зур Сәрдектән Газиз Хәсәнов Краснодарда узачак "Яшь һөнәрчеләр" чемпионатының финалында катнашачак

Кызларга матур итеп күз кысып торучы бу егет - Зур Сәрдек авылыннан Газиз Хәсәнов. Ул - "Чәчкә " халык бию ансамбле биючесе, Казанда төзүче һөнәрләре бирүче көллияттә белем ала. "Яшь һөнәрче" дөньякүләм конкурсының республика этабында кирпеч салу буенча беренче урынга чыккан бу егет Мәскәү шәһәрендә узган ярымфинал ярышларында Татарстан данын яклап чыгыш ясады һәм тагын беренче урынны алып кайтты! Ул хәзер май аенда Краснодарда узачак финал ярышларына әзерләнә. Хәзерге заман татар егетенең гаиләдә яхшы тәрбия алган өлгесе ул Газиз. Барысына да өлгерә. Егетебезгә киләчәктә дә зур уңышлар телибез!

Рәмзия Хөсәенова