Югары Чура мәктәбе укучылары яшь туристлар түгәрәгенә теләп йөри (фото)

Югары Чура урта мәктәбендә инде шактый еллар яшь туристлар түгәрәге эшли. Алар кыш көне чаңгы сукмакларында, җәен урман-болын, инеш буйларында еш сәяхәт итәләр, слетларда катнашалар. Мәктәп спортзалында кыяга менү җайланмалары, арканнар, төрле каршылыклар беркетелгән. Укучылар түгәрәккә бик теләп йөриләр. Тренерлары Андрей Афанасьев республикада иң тәҗрибәлеләрдән санала. Узган атнада Азнакайда узган республика туристлар слетында әлеге мәктәптән балалар командасы (составында Реас Дмитриев, Никита Емельянов, Полина Афанасьева, Игорь Егоров, Валерия Осипова, Диана Антиповалар) призлы урынны яулады һәм кубокка ия булды.