Яшүсмер су коенырга киткән җиреннән кайтмаган

автор, 21 июнь 2016 - 14:18

911

Мөслимдә Ыкка су коенырга киткән җиреннән кайтмаган 17 яшьлек үсмерне эзлиләр. Бу хакта "Татар-информ" вәкиленә Россия Гадәттән тыш хәлләр министрлыгының ТР буенча Баш идарәсеннән хәбәр иттеләр. Үсмернең югалуы турындагы хәбәр 19 июньдә 16.03тә килеп ирешә. Аның дуслары белән Ыкка су коенырга китүе һәм әйләнеп кайтмавы ачыклана. Үсмерне эзләү шул ук...

"Бу эшкә 21хезмәткәр һәм 1 берәмлек техника җәлеп ителгән", - дип ачыклык керттеләр республиканың гадәттән тыш хәлләр ведомствосында.

Мөслим районы Башкарма комитеты җитәкчесенең социаль мәсьәләләр буенча урынбасары Рушат Солтанов сүзләренчә, 7нче (Лениногорск) зона эзләү-коткару отряды водолазлары Ыкның үсмер югалган урынында бүген соңгы көн эшли. Бүген дә табылмаса, халык эзләү эшенә кушылырга әзер, волонтерлар да кисәтеп куелган, ди ул.

Рушат Солтанов үсмернең актив тормыш рәвеше алып баруы, иптәшләре белән бергә футбол уйнарга яратуы, аралашучан, һәрвакытта хәрәкәттә булуы, Мөслимнең лицей-мәктәбенең 9нчы сыйныфын тәмамлап, шушы көннәрдә төп гомуми белем турында аттестат алып, һөнәри училищега укырга керегә ниятләп йөрүе турында да әйтте.

Ләйсән ИСХАКОВА
Татар-информ

Следите за самым важным и интересным в Telegram-каналеТатмедиа

«Кукмор Татарстан» Telegram-каналга язылыгыз

Оставляйте реакции

К сожалению, реакцию можно поставить не более одного раза :(
Мы работаем над улучшением нашего сервиса

Яшүсмер су коенырга киткән җиреннән кайтмаган

Оставляйте реакции

Расскажите друзьям

Нет комментариев