Узган тәүлектә Кукмара урамнарыннан 504 тонна кар чыгарылган

(Кукмара, "Хезмәт даны"). Кукмараның "Чиста шәһәр" оешмасы хезмәткәрләре һәрчак эштә, бер генә көн дә эшсезлектән тилмерми. Узган тәүлектә алар бистәбез урамнарыннан 62 рейс - 504 тонна кар түккәннәр.

-Өч КамАЗ, ике грейдер, бер мини-погрузчик, 2 погрузчик, дүрт МТЗ-82, бер КДН, бер Т-25 берөзлексез эшләп тора. Көндез поселок урамнарын кардан чистартсак, кичен юлларга тозлы ком катнашмасы сибәбез, - ди "Чиста шәһәр" оешмасының өлкән мастеры Рәфисә Хаҗиәхмәтова.

Узган тәүлектә КДН машинасы ике рейс тозлы-ком катнашмасы сипкән.