Тат.Тулба китапханәсендә "Татарстан дәүләт символлары" дигән тематик сәгать узды (фото)

Мәңге яшә, газиз Ватаныбыз ,

Халкым тели изге теләкләр!

Гомерлеккә якын туган булып

Яши бездә төрле милләтләр .

1991 елның ноябрендә -Татарстан флагы, 1992 елның февралендә- гербы, ә 1993 елның июлендә гимны кабул ителде.

Татарстан Республикасы Дәүләт Гимны халык алдында башкарылганда, Гимнны тыңлаучылар басып тыңлыйлар. Дәүләт гимнына ихтирам күрсәтү - һәр гражданинның бурычы. «Гимн» - грек сүзе, ул тантаналы җыр дигән мәгънәне белдерә.

Укучыларны Татарстанның дәүләт символлары белән таныштыру, патриотик рух, символларга сакчыл караш тәрбияләү максатыннан, китапханәдә "Татарстан дәүләт символлары" дигән тематик сәгать уздырылды. Мәдәният йортының сәнгать җитәкчесе Ландыш апалары балаларга гимнны җырлатты. Сүзләрен белмәгәннәргә өйдә өйрәнеп килергә кушты. Шулай ук гимнның язылу тарихы, авторлары турында мәгълүмат җиткерелде.

Гөлнара Хәсәнова, китапханәче