Синерь авылында “Авыл көне” гөрләде (фото)

Икенче ел рәттән уздырылучы әлеге чара Мәскәү шәһәрендә яшәүче, реклама агентлыгы җитәкчесе Ольга Санникова, Яр Чаллыда гомер итүче Екатерина Абдуллина, авыл халкы көче белән үткәрелә. Быел авыл бәйрәменә Төмән, Оренбург, Сыктывкар кебек ерак төбәкләрдән кайтучылар да бар иде. Үсеп килүче буын үткәнен, нәсел тамырларын белсен, узара аралашсын дигән максат белән оештырылган "Авыл көне"ндә мари, удмурт, рус, татар халкы җырлады, биеде. Мариларның "Кна вел", удмуртларның "Зингари", район мәдәният йорты каршында эшләп килүче Кукмара кызлары ансамбле чыгышлары, төрле спорт чаралары бәйрәмнең бизәге булдылар.