Район ЗАГС бүлегендә 100нче бала теркәлде

Игнат исемле малай Оксана һәм Дамир Галимовлар гаиләсендә дөньяга килгән. Аның тууын теркәргә әтисе Дамир килгән иде. ЗАГС бүлеге хезмәткәрләре бәхетле әтине улы дөньяга килү белән котладылар, тантаналы рәвештә аңа таныклык тапшырдылар.

Игнат 14 мартта, әнисе Оксананың гомер бәйрәме көнне дөньяга аваз сала. "Игнат" латин теленнән тәрҗемә иткәндә "Ут" дигәнне аңлата. Игнат исемле кешеләр барлык өлкәләрдә дә үзен күрсәтергә сәләтле.

Бәхетле әти-әнине чын күңелдән котлыйбыз, саулык-сәламәтлек, имин тормыш, ак бәхетләр телибез.