Поселокның “Кыңгырау” балалар бакчасында “Мин бит татар малае” дигән бәйге узды (фото)

Бакчада капиталь төзекләндерү эшләре алып барылуга карамастан, кызлар бик матур чара әзерләгәннәр. Конкурста катнашырга күрше-тирә балалар бакчасыннан да малайлар килгән иде. Алар җыр-биюдә, тапкырлык таләп ителүче бәйгеләрдә үзләренең осталыкларын күрсәттеләр. Шулай ук Габдулла Тукай" әкиятләреннән төзелгән "Уйлап тап" уены да бик мавыктыргыч булды. Манзарас балалар бакчасында тәрбияләнүче 2,5 яшьлек Илсаф Фәсхиев аеруча булдырды. Үзе җырлый, үзе матур һәм сәнгатьле итеп шигырьләр сөйли ул! Илсафка икенче урын бирелде. Өченче урынны Манзарасның 2нче номерлы бакчасыннан Илнур Фазылгалиев алды. Беренчелекне исә Киндеркүл бакчасыннан Илмир Хәсәнов яулады. Ә менә абсолют җиңүче дип "Кыңгырау"дан Рөстәм Мөбарәкшин танылды.

Рафилә ФӘТТАХОВА, Кукмара