Кукмаралылар “Тургай”дан җиңү белән кайтты

Лаешта балалар һәм яшүсмерләр иҗатының "Тургай" Бөтенроссия фестиваль-конкурсы узды. Әлеге чарада Кукмара балалар сәнгать мәктәбе укучылары да актив катнашты.

"Фортепиано" номинациясендә Алия Әминова (укыт. З.Юзмиева), Наилә Закирҗанова, Ильяс Нигъмәтуллин (укыт.Д.Мамкина) - өченче дәрәҗә лауреат, Элвина Кәримова (укыт.Д.Бариева) - беренче дәрәҗә дипломант дипломнарына ия булдылар.

"Гитара" номинациясендә Альмир Әхмәдиев (укыт. Л.Галимуллина) - икенче дәрәҗә лауреат булды.

"Вокал-соло" номинациясендә Илназ Гыйльметдинов, Илмир Гыйләҗев (укыт.Л.Хөснетдинова) - беренче дәрә җә, Рисана Хантимерова (укыт.Л.Хөснетдинова) икенче дәрәҗә лауреат исемнәрен яулады.