Кукмаралылар шахмат буенча төбәкара турнирдан күчмә кубок белән кайтты

Марий Эл республикасының Косолапово авылында тоткыннарны бандитлардан коткарганда һәлак булган Павел Шмаков истәлегенә шахмат буенча 14нче төбәкара турнир үткәрелде. Әлеге турнирда Марий Эл, республиканың Эчке эшләр министрлыгы командалары һәм Татарстанның Арча, Әтнә, Балтач, Кукмара районнарыннан чакырылган командалар катнашты. Составында Айнур Җиһаншин, Нияз Фәйзрахманов, Владислав Абдулов, Илгиз Хаҗиев, Рөстәм Миннеханов, Камил Шәһимарданов, Газинур Хадыев, Иркә Гыйльметдиновалар булган безнең команда турнир башыннан ук ышанычлы чыгыш ясап, күчмә кубокка ия булды һәм чираттагы тапкыр Татарстанның төньяк районнары арасында рәсми булмаган чемпионы булып танылды.

фото: http://www.dagmintrud.ru/novosti-ucherezhdeniy/?PAGEN_2=61