Кукмарада яшәүче Сәкинә апа Галиуллина 95не тутырды

(Кукмара, "Хезмәт даны"). Район Башкарма комитеты җитәкчесе Азат Гарифуллин Кукмарада яшәүче Галиуллина Сәкинә Галиулла кызын 95 яшьлек күркәм юбилее белән тәбрик итеп, Россия Президентының котлау открыткасын, район башлыгының Рәхмәт хатын, истәлек бүләге тапшырды. Шулай ук социаль яклау бүлеге җитәкчесе Светлана Җамалиева, беренче гимназия директоры Васыйл Касыймовлар да юбилярга үзләренең котлау сүзләрен ирештерделәр.

Без, "Хезмәт даны" газетасы редакциясе дә, Сәкинә апаны күркәм бәйрәме белән чын күңелдән котлыйбыз, сәламәтлек, зиһен ачыклыгы, тыныч, имин картлык телибез.