Кукмарада полициянең гарнизон разводы узды (фото)

автор, 31 октябрь 2017 - 11:23

980

Анда район Эчке эшләр бүлегенең шәхси составы катнашты. Чара барышында полиция хезмәткәрләре тарафыннан башкарылган эшләр турында сөйләнде, киләчәккә максат һәм бурычлар билгеләнде.

Кукмарада полициянең гарнизон разводы узды (фото)

Гарнизон разводы вакытында оператив-кисәтү чаралары хакында таныштырылды, инструктаж уздырылды. Район эчке эшләр бүлеге начальнигы Рамил Нургалиев Россия Федерациясе законнарын төгәл үтәүнең мөһимлегенә басым ясады, халык белән аралашкан вакытта итәгатьле булырга чакырды. Хезмәткә кагылышлы өндәмәләр алган һәр хезмәткәр разводтан соң үз юнәлеше буенча эш урыннарына юл тотты.