Кукмара районында автомобильләр бәрелешкән, ике яшьлек кыз бала зыян күргән (фото)

Малмыж - Нократ Аланы юлының Кукмара районында Күкшел авылы тирәсендәге өлешендә автомобильләр бәрелешкән, зыян күрүчеләр бар, дип хәбәр итә Россия Гадәттән тыш хәлләр министрлыгының Татарстан буенча дәүләт идарәсе матбугат хезмәте.

Кукмара районындагы һәлакәт турындагы хәбәр бүген 112 хезмәтенә 11.05тә килеп ирешә. Бәрелешкән урында "Лада Калина" һәм "КиаРио" автомобиле булуы ачыклана. Чит ил автомобилендә утырган ике яшьлек кыз баланың бот сөягенә зыян килгән. Коткаручылар баланы ашыгыч ярдәм бригадасына тапшырган, ике автомобильнең дә, янып китмәсеннәр өчен, аккумуляторлары сафтан чыгарылган.

Татар-информ