“Хезмәт даны” журналисты һөнәр алыштыра

Татарстан Эчке эшләр министрлыгы тарафыннан игълан ителгән "Журналист һөнәрен алыштыра" дигән акция кысаларында Кукмара районының "Хезмәт даны" газетасы журналисты үзен полиция хезмәткәре буларак сынап карады.

Участок инспекторы Айрат Гыйльметдинов, полициянең балигъ булмаганнар белән эшләү бүлекчәсе начальнигы Гөлназ Гыйльфетдинова, ЮХИДИ инспекторы Ранил Гыйниятуллин, Сергей Егоровлар белән берлектә уздырылган рейдлардан соң, әлеге һөнәр ияләренең хезмәте никадәр катлаулы һәм җаваплы булуына тагын бер кат инандым. Күп балалы, аз тәэмин ителгән, авыр тормышлы гаиләләрдә яшәүчеләр, полициядә исәптә торучылар, күңелен начар гадәтләр белән мавыгуга салучылар белән кисәтү әңгәмәләре уздырылды, штрафларын түләми йөрүчеләр, юл йөрү кагыйдәләрен бозучыларга беркетмәләр төзелде.

Рейд хакындагы тулы язма белән "Хезмәт даны" газетасында танышу мөмкин булачак.