Чуллыда яшәүче Шәрифҗан абыйга 90 тулды (фото)

Чуллы авылында яшәүче Шәрифҗан абый Җиһаншин үзенең 90 яшьлек күркәм бәйрәмен билгеләп үтте. Юбилярны район башлыгы урынбасары Равия Каримуллина тәбрикләп, туган көн иясенә Россия Президентының котлау открыткасын, район башлыгының Рәхмәт хатын, истәлек бүләге тапшырды. Шулай ук социаль яклау бүлеге җитәкчесе Светлана Җамалиева, Туембаш җирлеге башлыгы Илфат Гарипов, җирлекнең ветераннар советы рәисе Галия Гыйниятуллиналар да Шәрифҗан абыйга үзләренең котлауларын ирештерделәр.

Без, "Хезмәт даны" газетасы редакциясе коллективы да, юбилярны туган көне белән тәбрик итәбез, нык сәламәтлек, тыныч, имин тормыш телибез.

Фото "Наш Кукмор"дан