Аш-Буҗи клубында балалар өчен күңелле чаралар узды(+фото)

Аш-Буҗи авылы клубында балалар өчен "Спорт-сәламәтлек нигезе" дигән кеүңелле бәйрәм үткәрелде. Әлеге кызыклы чара балаларга бик ошады, алар анда бик актив катнаштылар, үзләрен төрле яктан сынап карадылар. Мавыктыргыч ярышлардан соң, балаларга китапханәдә мультфильм күрсәтелде.

Шулай ук Аш-Буҗи авылы китапханәсендә балалар белән, Халыклар бердәмлеге көне уңаеннан, "Бердәм булыйк, бергә булыйк" дип исемләнгән бәйрәм үткәрелде. Анда бәйрәмнең тарихы турында сөйләделәр. Туган ил турында җырлар җырланды, шигырьләр сөйләнде. Ахырдан балалар үз куллары белән "Бердәм булыйк, бергә булыйк" дигән плакат ясадылар, дип хәбәр итә "Наш Кукмор" сайты.