Район башлыгы Нурзидә Ризванованы 90 яшьлек гомер бәйрәме белән котлады

автор, 24 гыйнвар 2018 - 10:41

947

Түбән Арбаш авылында туып-үсеп, бүгенге көндә Кукмарада яшәүче Нурзидә Ризвановага бүген 90 яшь тулды. Юбилярны район башлыгы Сергей Димитриев тәбрикләп, туган көн иясенә Россия Президенты Владимир Путинның котлау открыткасын, үзенең Рәхмәт хатын, истәлек бүләге тапшырды. Шулай ук район социаль яклау бүлеге җитәкчесе Светлана Җамалиева да юбилярга үзенең котлау сүзләрен ирештерде.

Район башлыгы Нурзидә Ризванованы 90 яшьлек гомер бәйрәме белән котлады

Нурзидә Ризванова тормыш иптәше Низаметдин абый белән алты бала тәрбияләп үстергәннәр. Туган көн иясе бүгенге көндә кызы Ризилә һәм кияве Шамил гаиләсендә бәхетле картлый кичерә. Аның ун оныгы һәм дүрт оныкчыгы бар. Әмма, кызганычка каршы, Низаметдин абый белән Дания исемле кызы гына якты дөньяда юк икән инде.

Нурзидә апага хезмәт юлын бик иртә - 12 яшьтә үк башларга туры килгән: комбайнда һәм башка эшләрдә хезмәт куйган.

Эльвира МӨБАРӘКШИНА, автор фотолары