“Бертуган Комаровлар тукталышы”нда ут юк (Кемгә ачыйм күңелемне?)

Тимер юл буенда "Бертуган Комаровлар" тукталышын булдыруга киез итек-киез комбинатының элеккеге директоры, мәрхүм Шамил Әхмәтшин күп көч куйды. Әмма тукталыш яннары яктыртылмый, поезддан төшүчеләр сукмактан абына-сөртенә атлап, комбинат янындагы мәйданга чыгалар. Кемнәрдер, караңгылыктан файдаланып, шунда кече йомышларын үти, чүп-чар ташлап калдыручылар да бар. Бу, әлбәттә, шәһәребезне бер дә бизәми. Ә бит биредә Шамил Әхмәтшин истәлегенә бюст куеп, әйләнә-тирәсен җыештырып, яктырткычлар куеп, менә дигән аллея төзеп булып иде.