Җәмгыять

Булат Бәйрәмов "Тәмле көрәш"тә каламы?

29 июль 2016 - 15:15 Автор:

автор

1031

Яңа сезондагы беренче чыгарылышта Булат Бәйрәмов кунак ролендә, ул табигать кочагында казанда пылау пешерә. Алып баручы ролен исә Айрат Ильясов башкара. Бу чыгарылышның рекламасы пәйда булгач, халык арасында "Булат Бәйрәмов "Тәмле көрәш"тән киткәнме әллә?" кебек сүзләр тарала башлады. Сорауга Булат ачыклык кертте. - Тапшырудан китмәдем, яңа сезонда да эшләячәкмен, Алла...

- Тапшырудан китмәдем, яңа сезонда да эшләячәкмен, Алла боерса! Беренче чыгарылышта кунак булып катнаштым. Бу роль дә бик ошады, аралашырга, сөйләшергә яратам. Ә инде казанда ризык пешерү үзе бер рәхәт, беренче генә пешерүем түгел. Тапшыруга килгәндә, тамашачыларны шактый күңелле яңалыклар көтә. Беренчедән, яңа студиядә эшләячәкбез. Икенчедән, "Тәмле көрәш" - ул ике катнашучының аш-су осталыгын тикшерү генә түгел, үзара ярыштыру да. Шуңа күрә тапшыруның катнашучыларга төрле өлкәдән сораулар бирү өлеше дә булачак. Башка яңалыклары, үзенчәлекләре турында сөйләсәм, кызыгы калмый. Тиздән барысын да күрерсез! - дип сөйләде Intertat.ru хәбәрчесенә Булат Бәйрәмов.

Эльвира ШАКИРОВА
Интертат.ру