РДКга артистлар килмәгән очракта тамашачыларны алдан кисәтсеннәр иде

Район Мәдәният йортына кала артистлары еш килеп тора. Мин дә мөмкинлегем булган саен, бераз ял итеп кайтырмын дип, концерларга билет алам. Әле күптән түгел генә Габделфәт Сафин, Рамил Шәрәпов концертлары да булырга тиеш иде. Әмма безне кап-караңгы фойе каршы алды. Баксаң, билетлар аз сатылу сәбәпле, артистлар килмәгәннәр икән. Күңелсезләнеп кайтып киттек. Бер елны да шундый хәлгә тарыган идек. Концерт шул ук сәбәп белән булмый калды. Район Мәдәният йортына киләбез дә, кире борылып кайтып китәбез. Тамашачыларны алдан кисәтсеннәр иде, югыйсә, концерт карыйбыз дип, ерак авыллардан килүчеләр дә була бит.

Зәйтүнә М. Кукмара