Манзарас авылында баганадагы электр яктырткычларын үзләренең ишегалларына каратып борып куючылар бар

Кичке сәгать биш тулуга, Манзарас урамнарында ялт итеп, электр утлары кабына. Янып чыккан лампочкаларны да вакытында алыштырып торалар, бу эшне оештырган җирлек башлыгына зур рәхмәт. Әмма бер күренеш эчне пошыра: кайберәүләр баганадагы электр яктырткычларын үзләренең ишегалларына каратып борып куйганнар. Болар - бәндәдән оялмаучы, Аллаһы Тәгаләдән курыкмаучылар, ни эшләсәм - шул килешә, дип яшәүчеләр. Аларның ишегаллары җирлек бюджеты хисабына, ягъни без - салым түләүчеләр акчасына яктыртыла дигән сүз. Бу нинди бәйләнчек кеше икән димәгез, халыкның ризасызлыгы әнә шундый гаделсезлекләрдән башлана да инде.

Манзарас карты

фото: http://yandex.ru/clck/jsredir?from=yandex.ru