Бакчагызга селдерей утыртсагыз үкенмәссез

Былтыр күршем, бакчага утыртырга сельдерей үсентеләре бирде. Утырттым. Җәйдән алып көзгә хәтле бакчамда хуш ис бөркеп утырдылар. Аның ашка тәме әйтеп бетергесез!

Сез дә чәчеп, үстереп карагыз әле. Үкенмәссез. Кечкенә чүлмәккә балчык салып, орлыкларны балчык өстенә генә сибәсе, күмәсе түгел. Бик тиз тишелеп чыгалар. Башта җеп шикелле генә үсентеләр була. Су сибеп торганда, тиз күтәрелеп китәләр. Ярты метр түтәлдә генә булса да, тирә-як күршеләрегезне дә сыйларга җитә. Чәчегез, утыртыгыз, үкенмәссез!

Рәфилә ФӘТТАХОВА

фото: http://yandex.ru/clck/jsredir?from=yandex.ru%3Bimages%2Fsearch%3Bweb%3B%3B&text=&