Шәмсенур Гыймадиева: Агачларны кисмәгез

Безнең Туембаш авылында икенче ел рәттән су буенда үсеп утырган агачларны кисәләр. Әмма аларны харап итәргә беребезнең дә хакыбыз юк. Ул агачларны без, хәтта әти-әниләр дә утыртмаган. Аларга тормыш бирүчеләр – борынгы бабаларыбыз. Элеккедән калган яшеллекне бетерәсе түгел, ә, киресенчә, тагын да арттырасы иде. Һәрбер үсентенең галәмне кислородка баетуы турында да онытырга ярамый. Агач башларында утырган кошлар да хәзер өй түбәләренә кунаклады. Хәтта дин дә мондый гамәлләргә каршы килә бит. Авылдашларга шуны әйтәсем килә: әйләнә-тирәбезне саклыйк, мәрхәмәтле булыйк.

Шәмсенур ГЫЙМАДИЕВА, Туембаш

фото: архив/ kukmor-rt.ru