Кукмара сатучылары ни сата?

Үткән ел ит сатып алган идем. Үзе бозылмаган да, карап торышка да әйбәт кебек, ләкин бик тәмсез. Бу малның итен нәрсә ашатып бозганнардыр. Кешегә акчаны өеп бирмиләр, шуңа күрә мал хуҗалары ит алучыларның рәнҗешен алмасыннар иде. Ә күптән түгел икенче берәүләрдән ит сатып алдым. Бик тәмле, ашка салсаң, өйгә хуш ис тарала. Бу гаилә бик күпләрнең хөрмәтенә лаек дип уйлыйм.

Бервакыт электричкада каршыма бер зоотехник утырып барды. Ул миңа бер вакыйганы бәян итте. Тизрәк симерсен өчен, сатарга дигән бозавына укол кадаган. “Тәҗрибә” үткәреп, уколны кирәгеннән артык күләмдә биргән. Ә бозавы егылган да үлгән. Менә шулай күпне өмет итеп, әздән коры калуың да бар.

Саниябану апагыз