Укучылар 6 апрельдән дистанцион формада укыячак

Татарстаннын Мәгариф һәм фән министры Рафис Борһанов мәктәпләрдә, урта профессиональ уку йортларында һәм вузларда уку процессының 6 апрельдән дистанцион формада дәвам итәчәген билгеләп узды, дип яза «Татар-информ». 

Министр сүзләренә караганда, беренчедән алып 11нчегә кадәр барлык сыйныфлар, уку программасында кабул ителгәнчә, дистанцион формада укуны дәвам итәчәк. Укучылар һәм педагоглар төрле электрон платформалар кулланачак. 

Рафис Борһанов Татарстан балалар бакчаларында дежур төркемнәр эшләвен дәвам итәчәген дә сөйләде.