Татарстанда тәүлек эчендә коронавирусның 56 яңа очрагы ачыкланган
Бу чорда республикада Covid-19ның 17 656 очрагы теркәлгән.
Татарстанда узган тәүлектә коронавирусның тагын 56 яңа очрагы ачыкланган. Бу хакта Татарстанда коронавирус буенча оператив штаб хәбәр итә.
Барлык теркәлгән очраклар да бер-берсеннән йоктырылган. Дәваханәләргә 24 инфекцияле кешене салганнар, 32се өйләрендә дәвалана.
Татарстан башкаласында тәүлек эчендә – 23, Яр Чаллыда 13 кеше коронавирус йоктырган. Әлмәт, Әтнә һәм Яшел Үзән районнарында өчәр очрак ачыкланган. Тәтеш районында – ике, Апас, Баулы, Лаеш, Лениногорск, Менделеевск, Нурлат, Саба, Сарман һәм Чистай районнарында берәр очрак теркәлгән.
Пандемия чорында 17 656 татарстанлы коронавирус белән авырган, 14 219 кеше терелгән.
Фото: «Татар-информ» МА
Следите за самым важным и интересным в Telegram-каналеТатмедиа
«Кукмор Татарстан» Telegram-каналга язылыгыз
Оставляйте реакции
Нет комментариев