Хезмәт даны
  • Рус Тат
  • Татарстанда соңгы тәүлектә тагын 99 кеше коронавирус инфекциясе йоктырган

    Пандемия башланганнан алып республикада коронавирус инфекциясенең 28 меңнән артык очрагы теркәлгән.

    Татарстанда соңгы тәүлектә Covid-19 коронавирус инфекциясе йоктыруның 99 яңа очрагы ачыкланган, дип яза «Татар-информ» МА.

    ТР Сәламәтлек саклау министрлыгының матбугат хезмәтеннән хәбәр итүләренчә, ике кеше чирне читтә йоктырып кайткан, калганнары башка авырулар белән аралашу нәтиҗәсендә эләктергән.

    «27 кеше хастаханәгә озатылган, 72 кеше өендә дәвалана», — диелә ведомство хәбәрендә.

    Казанда — 41, Чаллыда — 18, Алабуга һәм Лениногорск районнарында — алтышар, Аксубай һәм Түбән Кама районнарында — бишәр, Әлмәт, Лаеш һәм Тукай районнарында — дүртәр, Алексеевск һәм Спас районнарында — икешәр, Зәй һәм Питрәч районнарында берәр очрак ачыкланган.

    Реклама

    Пандемия башланганнан алып республикада коронавирус инфекциясенең 28 меңнән артык очрагы теркәлгән, 23,7 мең кеше (шуларның 106сы — узган тәүлектә) терелгән.

    Республикада барлыгы 1,1 миллион кеше коронавируска каршы прививка ясаткан. 969 мең кеше икенче дозаны да алган.

    фото: «Татар-информ» МА

     

    «Кукмор Татарстан» Telegram-каналга язылыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: