“Шәфкать” тернәкләндерү үзәгендә әниләргә бүләкләр ясадылар

Халыкара хатын-кызлар көне уңаеннан “Шәфкать” тернәкләндерү үзәгендә социаль проект нигезендә тернәкләнү курсы узучы балалар белән тегү остаханәсендә әниләргә бүләкләр әзерләнде.

Балалар алъяпкыч, чәйнек каплавычы hәм көнкүреш сумкалары тектеләр.

Әниләргә иң кадерлесе – балаларының үз куллары белән эшләгән бүләкләре.

Бүләкләрдән кала төрле кул эшләнмәләреннән күргәзмә дә оештырылды. Һәрбер эш үзенчәлекле hәм кабатланмас үрнәктә иде.

Асия Борковских, тернәкләндерү үзәгенең хезмәт инструкторы