«Шәфкать» тернәкләндерү үзәгендә Халыкара светофор көне уңаеннан «Безнең дустыбыз – светофор» дип исемләнгән чара узды

       
        Кукмараның «Шәфкать» мөмкинлекләре чикле балалар һәм яшүсмерләр өчен тернәкләндерү үзәгендә Халыкара светофор көне кысаларында «Безнең дустыбыз – светофор» дип исемләнгән чара узды.
      Дәреснең максаты - тәрбияләнүчеләрне өлештән торган сурәтләр төзергә, күрү  һәм ишетү сәләтен үстерергә өйрәтү иде.
      Дәрес барышында балалар урамда  булган куркыныч хәлләр турында фикер алыштылар. Түгәрәкләрне  дөрес  итеп ябыштырырга,  светофор ясаганда эзлеклелекне  югалтмаска ойрәнделәр. Дәрес ахырында балаларга «Кызыл-яшел», «Светофор» дип исемләнгән дидактик уеннар тәкъдим ителде. 
     Дәрес бик бай эчтәлекле узды.  Балалар бик күп кызыклы мәгълүмат алдылар һәм үзләрен кызыксындырган күп сорауларга җаваплар таптылар.