Хезмәт даны
  • Рус Тат
  • Мошенниклар Кукмарада яшәүченең 49 мең сумнан артык акчасын урлаган

    33 яшьлек хатын-кыз телефон аферистларына ышана һәм аларга смс-хәбәр аша килгән кодларны әйтә.

    Мошенниклар Кукмарада яшәүченең 49 мең сумнан артык акчасын урлаган. Бу турыда Россия эчке эшләр министрлыгының Кукмара районы буенча бүлегендә хәбәр иттеләр.

    Районның полиция бүлегенә Кукмарада яшәүче 33 яшьлек хатын-кыз мөрәҗәгать итә. Ул үзенең мошенниклар тозагына эләгүен әйтә.

    Әлеге хатын-кыз сөйләвенчә, аңа билгесез кеше шалтырата һәм законсыз төстә банк счетыннан акча кучерергә һәм кредит рәсмиләштерергә җыенуларын хәбәр итә. Акчаларны алмасыннар өчен башка банктагы имин счетка кучерергә тәкъдим итә. Моның өчен смс-хәбәр белән килгән махсус кодларны әйтергә кирәк, ди.

    Реклама

    Шулай ук шалтыратучы аңа иминлек хезмәте тмкшергәннән соң акчаларның кире үз счетына кайтачагын да әйтергә онытмый.

    Билгеле вакыттан соң акчалар счетка кайтмагач, хатын-кыз банкның «кайнар линия» телефонына шалтырата һәм хәлне аңлата. Аңа банкның иминлек хезмәтеннән шалтыратмауларын һәм барлык акчаларның башка банк счетына күчерелүен аңлаталар, полициягә хәбәр итәргә кушалар.
     

    фото: архив/ kukmor-rt.ru

    «Кукмор Татарстан» Telegram-каналга язылыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: