Кукмараның «Хезмәт даны» редакциясенә «Лада Ларгус» автомобиле бүләк ителде

Кукмараның «Хезмәт даны» редакциясенә «Лада Ларгус» автомобилен бүләк иттеләр. Бу хакта «Татар-информ»  яза.

Тантаналы чара Казанда «Бәллүр каләм» XXIII конкурсында җиңүчеләрне бүләкләү алдыннан узды.

«Лада Ларгус»  автомобиле ачкычларын Татарстан Республикасының алдынгы алты редакциясенә тапшырдылар.

«Әле бер ел элек кенә Татарстан Президенты  редакцияләргә машиналар бүләк иткән иде. Быелгы нәтиҗәләр буенча иң лаеклы һәм уңышлы редакцияләрне яңа машиналар белән бүләкләргә булдык», – дип аңлатты «Татмедиа» Республика матбугат һәм массакүләм коммуникацияләр агентлыгы җитәкчесе Айдар Сәлимгәрәев.

фото: Владимир Васильев/ «Татар-информ»; Ришат Гарифуллин/ «Хезмәт даны»