Кукмаралылар “Чиксез талалантлар фестивале”ндә катнашты

Казанда “Чиксез талалантлар фестивале” үтте. Әлеге чара мөмкинлекләре чикле яшьләрнең казанышлары турында җәмәгатьчелеккә мәгълүмат бирү максатыннан оештырыла. Фестивальдә Кукмараның “Аргамак” командасы да катнашып, “Чиксез спорт” номинациясендә җиңү яулады. Бүләкләү тантанасында команданың тренеры Дамир Галиәхмәтов һәм спортчы Тимур Антиповлар катнашты.

Алия Гарифуллина - “Сәхнә - безнең мәхәббәт”, Илсинә Әхмәдуллина, Резидә һәм Нурзидә Фәизовлар – “Музыка безне бәйләде”, Нияз Кәримуллин “Киләчәктә ышанычлы профессионаллар” номинацияләрендә җиңүче булдылар, дип хәбәр итте район инвалидлар җәмгыяте рәисе Равил Нигъмәтҗанов.