Быелгы сайлауларда Югары Шәмәрдән авылындагы Бикмөхәммәтовлар гаиләсеннән өч буын катнаша.
Өлкәннәр – Мөсәллимә апа һәм Нурулла абыйлар сәламәтлекләренә бәйле рәвештә авылларындагы сайлау участогына барып йөри алмыйлар, шуңа күрә сайлау комиссиясе вәкилләре аларның өйләренә бүген килде. Әлеге нигездәге икенче буын – уллары һәм киленнәре Дамир абый белән Нурия апа мәктәптә ураншкан сайлау участогына кичә барып үз тавышларын биреп кайтканнар. Яшьләр Илназ белән Миләүшә дә кичә үзләренең гражданлык бурычларын үтәгәннәр.
- Бик рәхәт тормышта яшибез, өйләребез җылы, күңелебез тыныч, мең шөкер, -ди Мөсәллимә апа – Үзвакытында пенсиясен китереп торалар, балаларыбыз янәшәбездә. Салкын көзләргә кереп барсак та, күңелебездә җылылык. Тормышлар авыр булса, әлбәттә, табигатьнең салкынлыгын да, әче җилләрен дә сизәр идек.
«Кукмор Татарстан» Telegram-каналга язылыгыз
Нет комментариев