Кукмара районында тагын бер кешегә Covid-19 диагнозы куелган

Кукмара районында соңгы тәүлек эчендә Covid-19 белән зарарлануның бер яңа очрагы ачыкланган. Татарстан буенча барлыгы 35 яңа очрак расланган. Бу хакта коронавирус буенча оператив штаб хәбәр итә, дип яза «Татар-информ».
12 кеше хастаханәгә урнаштырылган, 23 кеше өйдә дәвалана. Барысы да - элемтә нәтиҗәсендә авыручылар.
Казанда коронавирус йоктыруның 14 очрагы ачыкланган. Түбән Кама, Югары Осланда – 4шәр, Яр Чаллы, Әтнә, Бөгелмә, Яшел Үзәндә – 2шәр, Буа, Кукмара, Лаеш, Саба, Чистай районнарында – берәр очрак.
18 яшькә кадәр – 2, 18-30 яшь арасында – 2, 30-50 арасында – 15, 50-60 арасында – 9, 60-70 арасында – 6, 70-80 арасында 1 кешедә табиблар COVID-19 тапкан.
Татарстанда бу бөтен вакыт эчендә 5569 Covid-19 очрагы теркәлгән, 4472 кеше терелгән.

фото: "Татар-информ"