Кукмара районында тагын бер кеше Covid-19 белән зарарланган

Республикада соңгы тәүлектә Covid-19 белән зарарлануның 46 яңа очрагы расланган. Бу хакта «Татар-информ» мәгълүмат агентлыгына коронавирус буенча оператив штаб хәбәр итә.
Инфекция йоктырган 13 кеше хастаханәгә салынган, калган 33 кеше өендә дәвалана. Икесе – читтән кертелгән, калганнары элемтә нәтиҗәсендә авыручылар.
Казанда коронавирус йоктыруның 28 очрагы ачыкланган, Яшел Үзәндә – 4, Яр Чаллы, Кама Тамагы, Питрәчтә – 2шәр, Әлмәт, Балтач, Бөгелмә, Кайбыч, Кукмара, Саба, Тәтеш, Теләче районнарында – берәр.
Татарстанда бу бөтен вакыт эчендә 8328 Covid-19 очрагы теркәлгән, 7344 кеше терелгән.
фото: ИА "Татар-информ"