Кукмара районында коронавирус белән зарарлануның яңа очрагы ачыкланган

Кукмара районында соңгы тәүлектә Covid-19ның бер яңа очрагы расланган. Татарстан буенча соңгы тәүлектә барлыгы 41 авыручы расланган. Бу хакта «Татар-информ» мәгълүмат агентлыгына коронавирус буенча оператив штаб хәбәр итә.

Инфекция йоктырган 2 кеше хастаханәгә озатылган, калган 39 кеше өендә дәвалана. 

Авыручыларның күбесе Казан шәһәрендә – 21, Яр Чаллы һәм Саба районнарында - 2шәр, Аксубай, Арча, Югары Ослан, Яшел Үзән, Кукмара, Питрәч районында – берәр очрак.

Татарстанда бүгенге көнгә кадәр барлыгы Covid-19ның 4472 очрагы расланган. 3309 кеше савыккан.

фото: «Татар-информ»