Кукмара районының Чишмәбаш авылында ФАПка капиталь ремонт ясала

Кукмара районының Чишмәбаш авылында фельдшер-акушерлык пунктында тулы куәткә капиталь ремонт эшләре бара.

Яңарту «Дәвамлы һәм актив тормыш» милли проектына кергән сәламәтлек саклауның беренчел звеносын модернизацияләү программасы буенча тормышка ашырыла.

ФАП бинасында комплекслы эчке эшләр башкарыла: стеналар, түшәмнәр, идәннәр яңартыла, электрүткәргечләр алыштырыла һәм яңа ишекләр куела. Ремонтның максаты: ФАПны уңайлырак һәм куркынычсызрак итү, сыйфатлы беренчел медицина ярдәме күрсәтү өчен заманча шартлар булдыру.

фотолар Кукмара үзәк район дәваханәсеннән