Кукмара районында узган рейд вакытында Дәүләт автоинспекторлары алкогольле эчемлек куллану билгеләре булган машина йөртүчене ачыклаган

7 майда 8.00 сәгатьтән 10.00 сәгатькә кадәр Кукмараның Чернышевский урамында  Дәүләт автоинспекторлары, участок инспекторлары белән берлектә, “Тоннель” операциясен үткәрде. Бу хакта районның Дәүләт автоинспекциясендә хәбәр иттеләр.

Рейд барышында юл хәрәкәте кагыйдәләрен бозуның 6 очрагы ачыкланган. Алар арасында түбәндәгеләр бар: иминлек каешын куймау (2 очрак), укылмый торган дәүләт номерлары булган транспорт чарасы белән идарә итү, йөртү таныклыгын мәхрүм ителгән килеш руль артына утыру, автомобиль тәрәзәсен каралту техник регламент таләпләренә туры килмәү (1әр очрак).

Моннан тыш, исерткеч эчемлек куллану билгеләре булган машина йөртүче дә ачыкланган. Аның транспорты махсус тукталышка куелган. 

Районның Дәүләт автоинспекциясе машина йөртүчеләрне мондый төр массакүләм тикшерү эшләренең даими рәвештә алып барылачагын искәртә.