Кукмара районында чәчү эшләренең хәзерге вакытта 56 проценты башкарылган

Бүгенге көндә районыбыз басуларында язгы кыр эшләре оешкан төстә бара. Хәзерге вакытка бөртеклеләр - 56, азык культуралары 25 процент чәчелгән.

Әлеге эштә лидерлар – “Урал”, “Рассвеет”  хуҗалыклары, “Урал”, “Вахитов” җәмгыятьләре.

Шулай ук уҗымнарны һәм күпьеллык үләннәрне “борона-мотыга” дигән агрегат белән эшкәртеп, минераль ашламалар белән тукландыру төгәлләнгән.

Бүгенге көндә уҗымнарны чүп үләннәренә каршы комплекслы эшкәртү эшләре башланып китте, дип хәбәр итте районның баш агрономы Илдар Габбасов.