Кукмара эзтабарлары Түбән Новгород өлкәсендә Кызыл Армиянең 8 солдатының җәсәден һәм медальон тапты

Күптән түгел Кукмара аграр көллияте эзтабарлары һәм Янил урта мәктәбе укучылары эзләнү төркеме җитәкчеләре - мәктәп директоры Ришат Шакиров,  көллият укытучысы Раниф Сәмигуллин һәм көллиятнең ветеран укытучысы Ринат Шакиров белән берлектә  Новгород өлкәсенең Мостки авылында узган “Үзән-2021” экспедициясендә катнашып кайтты. Бу хакта мәгариф учреждениесе Инстаграмында хәбәр ителә.

Бу эзләнү эше Татнефть гранты исәбенә башкарылган. 11 кешедән торган әлеге отряд эзтабарлары 59нчы армиянең икенче укчылар дивизиясе эзләре буенча барган һәм алар тарафыннан хәбәрсез югалган сигез Кызыл Армия солдатының сөякләре җыеп алынган.