Фото: Мәмәширдә Чисталык иленә сәяхәт кылдылар

Мәмәшир авылы китапханәсе “Ромашка” балалар бакчасында тәрбияче белән берлектә “Чисталык иленә сәяхәт” исемле чара үткәрде. Кичәнең төп максаты -балаларга чисталык сәламәтлекнең нигезе икәнен төшендерү иде. Презентация күрсәтеп, балалар белән “Шапшаклар” һәм “Чисталык” станцияләренә тукталыш ясадык. Темага кагылышлы табышмаклар әйтү, шигырьләр уку белән берлектә, язучы Йолдызның “Алпак белән Шапшак” китабы белән таныштык. Балалар сәламәтлекнең нигезен чисталык тәшкил иткәнең тагын бер кат исбатлап, темага кагылышлы сорауларга бик дөрес җавап бирделәр.