Фото: Чишмәбашта өч хуҗалык янган

Кичә, 9 май көнне, 9.23 сәгатьтә Чишмәбаш авылында янгын чыга. Кукмара янгын-коткару частеннән алынган мәгълүматларга караганда, шәхси хуҗалыкта сарай януы турындагы хәбәр Глонасс+112 хезмәте аша алына. Көчле җил нәтиҗәсендә ут торак йортка, каралты-кураларга һәм күрше хуҗалыкларга күчә. Янгын чыккан хуҗалыкта йорт һәм каралты-куралар тулысынча кара күмергә әйләнә. Йорт хайваннарына да зыян килә. Шулай ук янгын вакытында бер як күрше йортның түбәсе, сарае яна. Икенче яктагы йортның түбәсенә зыян килә. Янгында вафат булучылар, травма алучылар юк.